ԹԵԺ ԳԻԾ
Ատոմ Ջանջուղազյանն ընդունել է Գերմանական զարգացման բանկի պատվիրակությանը
19.03.2019
Ատոմ Ջանջուղազյանն ընդունել է Գերմանական զարգացման բանկի պատվիրակությանը

Մարտի 19-ին ՀՀ ֆինանսների նախարար Ատոմ Ջանջուղազյանն ընդունել է Գերմանական զարգացման բանկի (KfW) տարածաշրջանային տնօրեն Օլաֆ Զիմելկայի գլխավորած պատվիրակությանը:

Հանդիպման ընթացքում կողմերը քննարկել են համագործակցության օրակարգը և դրա զարգացման հեռանկարները: Մասնավորապես, անդրադարձ է կատարվել ընթացիկ ծրագրերի և համաձայնագրերի կատարման փուլերին և ակնկալվող արդյունքներին:

Ատոմ Ջանջուղազյանը բարձր է գնահատել բանկի հետ համագործակցությունը և կարևորել վերջինիս աջակցությամբ մի շարք ոլորտներում իրականացվող ծրագրերն ու դրանց շարունակականության ապահովումը: Օլաֆ Զիմելկան իր հերթին պատրաստակամություն է հայտնել ակտիվացնել առկա երկխոսությունը: