Այսօր՝ հոկտեմբերի 4-ին, տեղի է ունեցել ֆինանսների նախարար Ատոմ Ջանջուղազյանի մամուլի ասուլիսը՝ ՀՀ 2019 թվականի պետական բյուջեի նախագծի վերաբերյալ:
Ըստ ֆինանսների նախարարի՝ բյուջեի նախագծում որպես նորամուծություն օրենսդրությամբ սահմանված հարկաբյուջետային նոր կանոնների կիրառումն է, որի արդյունքում կայունացվելու է կառավարության պարտքը:
Հաջորդ նորամուծությունը ծրագրային ձևաչափով բյուջետավորում իրականացնելն է: Ծրագրային բյուջետավորման ներդրմամբ հիմնական ուշադրությունը պետք է լինի արդյունքների և ոչ թե գործընթացի վրա: 2019 թվականի բյուջեի նախագիծն արդեն ներկայացվել է ծրագրային ձևաչափով:
ՀՀ 2019 թվականի պետական բյուջեի նախագծով մյուս տարվա համար կանխատեսվում է 4,9 տոկոս իրական աճ:
Ատոմ Ջանջուղազյանն ընդգծել է նաև, որ 2019 թվականի բյուջեն չի կարող սկսել նոր գործընթաց, և տրամաբանական է, որ օրենսդրությամբ սահմանված պարտավորությունները բյուջեի մասին օրենքում իրենց արտացոլումը գտել են:
Կից՝ տեսանյութն ամբողջությամբ:
