ԹԵԺ ԳԻԾ
Հանդիպում ՄԱԿ-ի Մանկական հիմնադրամի ներկայացուցիչների հետ
13.06.2018
Հանդիպում ՄԱԿ-ի Մանկական հիմնադրամի ներկայացուցիչների հետ

Հունիսի 13-ին ՀՀ ֆինանսների նախարարի առաջին տեղակալ Կարեն Բրուտյանը հանդիպել է Հայաստանում ՄԱԿ-ի Մանկական հիմնադրամի (UNICEF) ներկայացուցիչ Տանյա Ռադոչայի գլխավորած պատվիրակությանը:

Հանդիպման ընթացքում կողմերն անդրադարձել են ՀՀ կառավարության և UNICEF-ի միջև առկա համագործակցության ընթացիկ հարցերին և կարևորել դրա զարգացման հնարավորությունները:

Տանյա Ռադոչան նշել է, որ թեև հիմնադրամը, իր գործունեությունն առավելապես ծավալելով առողջապահության, կրթության և սոցիալական պաշտպանության ոլորտներում, ոչ ավանդական գործընկեր է հանդիսանում ֆինանսների նախարարության համար, սակայն համագործակցությունը նախարարության հետ առանքային նշանակություն ունի:  

Կարեն Բրուտյանն ընդգծել է, որ ճյուղային նախարարությունների հետ իրականացվող համակարգված աշխատանքը և UNICEF-ի հետ արդյունավետ համագործակցությունը թույլ կտան ՀՀ-ում ապրող երեխաների համար առավել բարեկեցիկ և արժանապատիվ կյանք ապահովելու լրացուցիչ խթաններ ստեղծել:  

Այս համատեքստում պայմանավորվածություն է ձեռք բերվել փորձի փոխանակման նպատակով Արգենտինայից Հայաստան փորձագետ հրավիրել: Նախատեսվում է նաև առաջիկայում բյուջեն նախագծելիս առավելագույնս հաշվի առնել երեխաներին առնչվող խնդիրները` հիմք ընդունելով այս մասով նախորդ տարիների բյուջեի կատարողականի վերլուծության արդյունքները: