Եվրասիական տնտեսական միության մասին պայմանագրի ստորագրման 5-րդ տարեդարձի և եվրասիական ինտեգրման գաղափարի 25-ամյակի առթիվ ՀՀ ֆինանսների նախարարի տեղակալ Արման Պողոսյանը, ՀՀ ՖՆ եվրասիական տնտեսական միության և եվրասիական տնտեսական միության անդամ-պետությունների հետ համագործակցության բաժնի պետ Լևոն Ֆարմանյանը և եվրասիական տնտեսական միության մաքսային քաղաքականության և օրենսդրական կարգավորման բաժնի պետ Վլադիմիր Ասեյանը պարգևատրվել են «Եվրասիական տնտեսական միության զարգացման գործում ունեցած ավանդի համար» մեդալով:
Պարգևատրման արարողությունը տեղի է ունեցել ՀՀ նախագահի նստավայրում: Եվրասիական տնտեսական միության կայացման և զարգացման գործում նշանակալի ավանդ ունեցած ՀՀ պետական, հասարակական գործիչներին և հանրային հատվածի ներկայացուցիչներին պարգևատրել են ՀՀ փոխվարչապետ Մհեր Գրիգորյանը և Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:
Պարգևատրվածներին շնորհավորական խոսքով ողջունել է Հայաստանի Հանրապետության նախագահը:
