ԹԵԺ ԳԻԾ
Նիդերլանդների Թագավորության ՖՆ աշխատակիցների այցը ՀՀ ՖՆ
04.06.2019
Նիդերլանդների Թագավորության ՖՆ աշխատակիցների այցը ՀՀ ՖՆ

ՀՀ ֆինանսների նախարարությունում կայացել է Նիդերլանդների Թագավորության ֆինանսների նախարարության 30 աշխատակիցների ուսումնական այցը: Այն միտված էր հարկային քաղաքականության և բյուջետային գործընթացի կազմակերպման մասով հայաստանյան փորձի փոխանցմանը: ՀՀ ՖՆ աշխատակիցները ներկայացրել են Հայաստանում գործող հարկային օրենսդրությունը, իրականացվող բարեփոխումները, բյուջեի և միջնաժամկետ ծախսերի ծրագրի կազմման առանձնահատկություններն ու ընթացակարգերը:

Նման ձևաչափով ուսումնական այցը բխում է Հայաստանի Հանրապետության ֆինանսների նախարարության և Նիդերլանդների ֆինանսների նախարարության միջև 2011 թվականին ստորագրված տեխնիկական համագործակցության վերաբերյալ փոխըմբռնման հուշագրից, որով, ի թիվս այլ միջոցառումների, նախատեսված են նաև ուսումնական այցեր ինչպես Հայաստանում, այնպես էլ Նիդերլանդներում: Հայաստանի Հանրապետությունը հանդիսանում է Արժույթի միջազգային հիմնադրամի և Համաշխարհային բանկի խորհրդի Նիդերլանդական ընկերակցային խմբի անդամ պետություն: