ԹԵԺ ԳԻԾ
Նոր կոնվենցիա միջազգային հարկային համագործակցության ոլորտում
31.01.2018
Նոր կոնվենցիա միջազգային հարկային համագործակցության ոլորտում

Հունվարի 24-ին Ստրասբուրգում ստորագրվել է Տնտեսական համագործակցության զարգացման կազմակերպության և Եվրոպայի խորհրդի «Հարկային հարցերով փոխադարձ վարչական աջակցության մասին» կոնվենցիան (2010 թվականի արձա­նագ­­րու­թյամբ փոփոխված): Կոնվենցիան իր տեսակով հանդիսանում է եզակի բազմակողմ գործիք, որը հնարավոր է դարձնում հարկային համագործակցության բոլոր ձևա­չափերը` կանխելով հարկումից խուսափելը և նպաստելով հարկեր չվճարելու դեմ պայքարն էլ ավելի արդյունավետ դարձնելուն:

Կոնվենցիայի հիմնական նպատակն է ստեղծել միջազգային համագործակցության համար բարեն­պաստ պայմաններ երկրների հարկային օրենսդրությունների կատարե­լագործ­ման համար` միևնույն ժամանակ պաշտպանելով հարկ վճարողների հիմնական իրավունքները: Կոնվենցիան իր մեջ ներառում է հարկային համագործակցության գրեթե բոլոր ձևերը՝ հարկային պարտա­վորությունների գնահատում, հավաքագրում, հարկերից խուսափելու և հարկեր չվճարելու դեմ պայ­քարի մեխանիզմների մշակում, տեղեկությունների փոխանակում և այլն:

Նշենք նաև, որ Հայաստանը թվով 117-րդ երկիրն է, որը միացել է կոնվենցիային: