Նոյեմբերի 21-ին ՀՀ ֆինանսների նախարար Վարդան Արամյանն ընդունել է Համաշխարհային բանկի հայաստանյան ներկայացուցիչ Միգարա դե Սիլվայի գլխավորած պատվիրակությանը: Աշխատանքային հանդիպման ընթացքում քննարկվել են Համաշխարհային բանկի` Հայաստանում «Պետական հատվածի արդիականացման երրորդ ծրագրի» (ՊՀԱԾ III/PSMP III) շրջականակում նախատեսված կառավարության ֆինանսական կառավարման տեղեկատվական համակարգի (ԿՖԿՏՀ/GFMIS) ներդրման հետ կապված հարցեր, մասնավորապես, նախարար Արամյանը պատվիրակության անդամներին է ներկայացրել ծրագրի ներդրման նպատակով մշակված աշխատանքների իրականացման ճանապարհային քարտեզը։
«Պետական հատվածի արդիականացման երրորդ ծրագիրը» (PSMP III) ստորագրվել է 2015 թվականի նոյեմբերի 18-ին: Այն բաղկացած է չորս հիմնական բաղադրիչներից, որոնց առաջնային նպատակն է հանրային ֆինանսական հաշվետվությունների որակի և ընտրված էլեկտրոնային կառավարման կատարելագործված ծառայությունների հասանելիության բարելավումը:
Հայաստանի «Պետական հատվածի արդիականացման երրորդ ծրագրի» (PSMP III) ավարտը նախանշվում է 2020 թվականի դեկտեմբերին:
