ԹԵԺ ԳԻԾ
ՀՀ ՖՆ մասնագետները Վիեննայում մասնակցում են ՀԲ խմբի նախարարական համաժողովին
27.11.2018
ՀՀ ՖՆ մասնագետները Վիեննայում մասնակցում են ՀԲ խմբի նախարարական համաժողովին

Նոյեմբերի 26-29-ը քաղաք Վիեննայում Համաշխարհային բանկի խմբի Ֆինանսական հաշվետվությունների բարեփոխումների կենտրոնի կողմից իրականացվող PULSAR (Հանրային հատվածի հաշվապահական հաշվառում և հաշվետվողականություն) և STAREP (Արևելյան գործընկերության երկրներում աուդիտի և հաշվետվողականության կատարելագործում) ծրագրերի շրջանակներում կազմակերպվել է «Բարձրորակ ֆինանսական տեղեկատվություն և տնտեսական ինտեգրացիա» խորագրով նախարարական համաժողովը։

Համաժողովի հիմնական նպատակն է ներկայացնել ծրագրերի շահառու 13 երկրների փորձը հաշվապահական հաշվառման և աուդիտի ոլորտներում իրականացված բարեփոխումների համատեքստում՝ նպաստելով փորձի փոխանակման միջոցով նշված բարեփոխումների առավել արդյունավետ իրականացմանը:

Համաժողովի շրջանակներում ՀՀ ֆինանսների նախարարի տեղակալի պաշտոնակատար Արման Պողոսյանը ներկայացրել է ՀՀ-ում իրականացված քայլերը վերը նշված ոլորտների արդյունավետ զարգացման ուղղությամբ՝ կարևորելով նման միջոցառումների դերը հատկապես այլ երկրների հաջողված փորձի կիրառման առումով։