Հայաստանի Հանրապետության
Ֆինանսների նախարարություն

ՀՀ ֆինանսների նախարարությունում գործող վճարումների պետական էլեկտրոնային համակարգը (e-payments.am) Ձեզ հնարավորություն կտա Հայաստանի Հանրապետության օրենսդրությամբ սահմանված պետական տուրքի, հարկային պարտավորությունների, տեղական տուրքի, պետական կամ տեղական ինքնակառավարման մարմինների կողմից մատուցվող ծառայությունների համար գանձվող վճարը կամ վարչական տուգանքները վճարել էլեկտրոնային եղանակով:
Վճարումները կարելի է կատարել օգտագործելով ArCA կամ MasterCard վճարային քարտերը, ինչպես նաև վիրտուալ ArCA քարտը:
Համակարգը ընդունում է նաև համայնքային վճարումներ (օրինակ` գույքահարկ, հողի հարկ, աղբահանության վճար և այլն) Երևան քաղաքի բոլոր համայնքների, ինչպես նաև Գյումրի և Վանաձոր քաղաքների համար: Հետագայում համակարգը կներառի նաև ՀՀ այլ համայնքներ:
Օտարերկրյա պետություններում գտնվող ՀՀ քաղաքացիները և այլ երկրների քաղաքացիները կարող են վճարումներ կատարել հյուպատոսական ծառայությունների (օրինակ` անձնագրի ստացում, մուտքի արտոնագրի ստացում և այլն) տրամադրման համար:
Համակարգի աշխատանքի հետ կապված բոլոր հարցերով կարող եք դիմել e-payment@minfin.am  հասցեով կամ զանգահարելով 060 700 272:

Համակարգ մուտք գործելու համար սեղմեք այստեղ

Վճարումներ կարող եք կատարել նաև բանկային համակարգի միջոցով: