Էլ. փոստ
ԹԵԺ ԳԻԾ
Էլ. փոստ
Standard&Poors-ն առաջին անգամ վարկանշել է ՀՀ կառավարությանը եւ շնորհել սուվերեն վարկանիշ «դրական» հեռանկարով
13.10.2021
Standard&Poors-ն առաջին անգամ վարկանշել է ՀՀ կառավարությանը եւ շնորհել սուվերեն վարկանիշ «դրական» հեռանկարով

«Standard&Poors» վարկանշային գործակալությունն առաջին անգամ վարկանշել է Հայաստանի կառավարությանը եւ շնորհել արտարժույթով եւ ազգային արժույթով երկարաժամկետ պարտավորությունների թողարկման «B+» սուվերեն վարկանիշ՝ «դրական» հեռանկարով: Միեւնույն ժամանակ, արտարժույթով եւ ազգային արժույթով կարճաժամկետ սուվերեն վարկավորման համար շնորհվել է «B» վարկանիշ, իսկ փոխանցման եւ փոխարկելիության ռիսկը գնահատվել է «BB-»:

Գործակալության դիտարկմամբ` «դրական» հեռանկարն արտացոլում է առաջիկա տարիների ընթացքում Հայաստանի տնտեսական արագ ընդլայնման հեռանկարները, ինչպես նաեւ արտաքին լծակների` սպասվածից ավելի արագ կրճատումը եւ հարկաբյուջետային կատարողականի ավելի մեծ ներուժը:

Հրապարակման մեջ նշվում է նաեւ, որ ՀՀ սուվերեն վարկանիշը ենթակա է բարելավման առաջիկա տասներկու ամիսների ընթացքում, եթե երկիրը պահպանի իր հզոր տնտեսական ցուցանիշներն առանց արտաքին կամ համավարակի հետ կապված մարտահրավերների, որոնք վատթարացնում են միջնաժամկետ աճի հեռանկարները՝ կայուն կառուցվածքային բարեփոխումներին զուգընթաց: Վարկանիշի բարձրացմանը կարող է նպաստել նաեւ արտաքին պարտքի՝ սպասվածից ավելի մեծ կրճատումը:

Նորություններ  ➤

Նորության նկար

ՀՀ ֆինանսների նախարարն ընդունել է Արժույթի միջազգային հիմնադրամի առաքելությանը

ՀՀ ֆինանսների նախարար Վահե Հովհաննիսյանն ընդունել է Արժույթի միջազգային հիմնադրամի (ԱՄՀ) առաքելությանը: Առաքելությունը Հայաստանում է գտնվում պահուստային ծրագրի (Ծրագիր) երրորդ վերանայման...

Հայտարարություններ  ➤

Նորության նկար

Հայտարարություն հանրային հատվածի հաշվապահի որակավորման հանձնաժողովի նիստի վերաբերյալ

Սույն թվականի փետրվարի 27-ին ժամը 11:00-13:00 և 15:00-17:00 ՀՀ ֆինանսների նախարարության վարչական շենքի 2-րդ հարկի թիվ 1 դահլիճում (ք.Երևան, Մելիք-Ադամյան 1) տեղի կունենա հանրային հատվածի հաշվապահի որակավորման հանձնաժողովի նիստ:

Օրակարգում`
    ...