ՀՀ ֆինանսների նախարարության պատվիրակությունը մայիսի 18-ին մասնակցել է ՎԶԵԲ կառավարիչների խորհրդի լիագումար նիստին։
Նիստի օրակարգում են եղել ՎԶԵԲ ռազմավարական փաստաթղթերը, 2022 թվականի ֆինանսական հաշվետվությունն ու կատարողականը, ինչպես նաև Կառավարիչներին է ներկայացվել 2023-2025 թվականների ռազմավարության իրականացման պլանը։
Նիստի շրջանակներում տարբեր երկրների ներկայացուցիչներ մտքեր են փոխանակել գլոբալ արդի մարտահրավերների շուրջ։
ՀՀ ֆինանսների նախարար Վահե Հովհաննիսյանը հանդես է եկել առանձին ելույթով ։
Լիագումար նիստի ավարտին Կառավարիչների խորհուրդը հաստատել է 2024 թվականի տարեկան հանդիպումը և գործարար համաժողովի անցկացումը Երևանում։
Առանձին հանդիպում է կազմակերպվել նաև Սլովենիայի Հանրապետության ֆինանսների նախարար Կլեմեն Բոստյանչիչի հետ, որի ընթացքում քննարկվել են երկկողմ համագործակցությանն առնչվող հարցեր, ինչպես նաև գործընկերության հետագա խորացման հնարավորությունները։
