Ֆինանսների նախարար Վահե Հովհաննիսյանն այսօր մասնակցել է ուսանողների հետ հանդիպմանը: Նախարար Հովհաննիսյանն ապագա տնտեսագետների հետ խոսել է նախարարության առանցքային գործառույթների և դրանց իրականացման կարևորության մասին և մատնանշել այն կարևոր հատկությունները, որոնք անհրաժեշտ են պետական կառավարման համակարգում փոփոխություններ իրականացնելու և կառավարելու համար:
Ուսանողները շրջայց են կատարել ՀՀ ֆինանսների նախարարության շենքում, ծանոթացել նախարարության գործունեությանը, լիազորությունների շրջանակին, աշխատանքի սկզբունքներին և ուղղություններին:
Հանդիպմանը ներկա են եղել նախարարության կառուցվածքային ստորաբաժանումների ներկայացուցիչներ, ովքեր ուսանողներին են ներկայացրել հարկաբյուջետային քաղաքականության մշակման, պետական պարտքի կառավարման, ինչպես նաև մակրոտնտեսական կանխատեսումների և եկամուտների քաղաքականության մշակման և իրականացման գործընթացները:
