ՈՒՇԱԴՐՈՒԹՅՈՒՆ
Հարգելի՛ աշակերտներ և ուսանողներ,
Հայաստանի Հանրապետության ֆինանսների նախարարությունը 2023 թվականին ակտիվացնում և խորացնում է համագործակցությունը ուսումնական հաստատությունների հետ: Այս գործընթացի շրջանակներում նախատեսվում է իրականացնել էսսեների և վերլուծական հոդվածների մրցույթներ, համապատասխանաբար՝ ավագ դպրոցի աշակերտների և ուսանողների համար:
Նախատեսված մրցույթները նպատակ ունեն խթանել տնտեսական գրագիտությունը և հանրային ֆինանսների մասին իրազեկվածությունը: Նմանատիպ մրցույթների միջոցով Նախարարությանը նպատակ ունի համագործակցել ձեզ՝ հաջորդ սերնդի առաջնորդների և որոշումներ կայացնողների հետ՝ խրախուսելով ձեր քննադատական ու ստեղծագործական մտածելակերպը ձեր կյանքի, ինչպես նաև երկրի ապագայի վրա ազդող տնտեսական խնդիրներին առնչվելիս:
Միաժամանակ, մրցույթներում հաղթանակի արդյունքում ձեռք բերված բացահայտումն ու ճանաչումը կարող են օգնել ձեզ նախանշել ձեր ակադեմիական և մասնագիտական զարգացման ուղղությունները ֆինանսների ոլորտում:
Մրցույթների նպատակն է երիտասարդների ստեղծագործ մտքի և վառ երևակայության օգնությամբ ցույց տալ հանրային ֆինանսների և դրանք կազմակերպող կառույցի՝ Ֆինանսների նախարարության, դերը բնակչության և պետության կյանքում։
Մրցույթների պայմաններին և մանրամասներին կարող եք ծանոթանալ ստորև բերված հղումներով:
Մաղթում ենք ձեզ հաջողություն:
