Հայտարարություն Տեղեկատվության և հասարակայնության հետ կապերի բաժնում ղեկավար ներգրավելու վերաբերյալ
Աշխատանքի նկարագրություն
Ֆինանսների նախարարությունը փնտրում է հասարակայնության հետ կապերի և հաղորդակցության մասնագետ՝ Նախարարության նպատակների իրագործմանն ուղղված հաղորդակցության ռազմավարությունների իրականացման և հասարակայնության հետ կապերի ապահովման համար։
Աշխատանքային պարտականություններ
Հասարակայնության հետ կապերի և հաղորդակցության ղեկավարը պատասխանատու է հետևյալ գործընթացների կազմակերպման և իրականացման համար, ներառյալ՝
Համապարփակ հաղորդակցության ռազմավարությունների մշակում և իրականացում
- Նախարարության թիրախային լսարանները և հաղորդակցության կարիքները սահմանելու նպատակով հետազոտության և վերլուծության իրականացում,
- Նախարարության նպատակներին և առաջնահերթություններին համապատասխան կարճաժամկետ և երկարաժամկետ հաղորդակցման ռազմավարությունների մշակում և իրականացում,
- Նախարարության կողմից իրականացվող քաղաքականությունները, նախաձեռնությունները և ձեռքբերումները արդյունավետ կերպով հաղորդելու նպատակով հիմնական հաղորդագրությունների ու բովանդակության մշակում,
- Նախարարության տարբեր ստորաբաժանումների կողմից մշակվող փոփոխություններին (քաղաքականություններ, բարեփոխումներ, նոր օրենքներ և այլն) զուգահեռ դրանց հաղորդակցության պլանի մշակումը ապահովող ընթացակարգերի ստեղծում։
Բովանդակության ստեղծում և տարածում, ներառյալ՝
- Մամուլի հաղորդագրությունների, հայտարարությունների, հոդվածների և վերլուծական, բացատրական այլ նյութերի պատրաստում ՝ լրատվամիջոցների և հանրության շրջանում տարածելու համար,
- Հաղորդակցության շրջանակներն ընդլայնելու և տարբեր լսարաններ ներգրավելու համար մուլտիմեդիա բովանդակության (ներառյալ ինֆոգրաֆիկա, տեսանյութեր և ինտերակտիվ այլ նյութեր) մշակում,
- Թիրախային լսարանների հետ արդյունավետ կոմունիկացիա վարելու նպատակով՝ տարբեր ուղիներով (ներառյալ ավանդական լրատվամիջոցները, թվային հարթակները և սոցիալական մեդիա) բովանդակության տարածում։
Ճգնաժամային կառավարման իրականացում, ներառյալ
- Հնարավոր խնդիրները և ճգնաժամերը արդյունավետ կառավարելու և մեղմելու համար ճգնաժամային հաղորդակցության պլանի և կանոնակարգերի մշակում, միևնույն ժամանակ թափանցիկության և Նախարարության գործողությունների նկատմամբ վստահության ապահովում։
Լրատվամիջոցների հետ հարաբերություններ
- Լրագրողների և լրատվամիջոցների հետ գործընկերային հարաբերությունների հաստատում և պահպանում,
- Լրատվամիջոցների հարցումներին պատշաճ կերպով արձագանքելու գործընթացի համակարգում
- Նախարարության տեսանելիությունն ու հեղինակությունը բարձրացնելու հնարավորությունների բացահայտման նպատակով լրատվամիջոցների կողմից Նախարարության գործունեության լուսաբանման մշտադիտարկում,
- ԶԼՄ-ների կողմից Նախարարության գործունեության լուսաբանման և հանրային ընկալումների վերահսկում, հաղորդակցության ռազմավարությունների և նախաձեռնությունների շարունակական մշտադիտարկում և դրանց բարելավման վերաբերյալ առաջարկությունների տրամադրում։
Միջոցառումների կառավարում և հասարակայնության ներգրավվածության ապահովում, ներառյալ՝
- Նախարարության գործունեությունը հանրայնացնելու և շահագրգիռ կողմերի հետ համագործակցությունը խթանելու նպատակով մամուլի ասուլիսների, տարբեր լրատվամիջոցներին հարցազրույցների, ինչպես նաև այլ միջոցառումների կազմակերպում։
- Արտաքին գործընկերների հետ համագործակցության ճանապարհով Նախարարության առաքելությանը նպաստող համատեղ միջոցառումների և նախաձեռնությունների կազմակերպում։
Թվային և սոցիալական մեդիայի կառավարում, ներառյալ՝
- Հասարակայնության իրազեկման և արդյունավետ հետադարձ կապի ապահովման համար թվային տարբեր հարթակներում Նախարարության «ակտիվության» ապահովում,
- Հասարակայնության ներգրավվածությունը և իրազեկվածությունը բարձրացնելու համար Նախարարության նախաձեռնությունների և քաղաքականությունների վերաբերյալ սոցիալական մեդիա արշավների մշակում և իրականացում։
Անհրաժեշտ հմտություններ
- Բակալավրի կամ մագիստրոսի աստիճան հաղորդակցության, հասարակայնության հետ կապերի, լրագրության կամ հարակից ոլորտներում:
- Ֆինանսական քաղաքականությունների, տնտեսության սկզբունքների և կառավարության գործունեության մասին իմացության բազային մակարդակ։
- Հաղորդակցության մասնագետի կամ նմանատիպ աշխատանքի փորձ (նախընտրելի է պետական կամ ֆինանսական ոլորտում):
- Հայերենի և անգլերենի գերազանց գրավոր և բանավոր հաղորդակցման հմտություններ՝ բարդ տեղեկատվությունը հստակ և համոզիչ փոխանցելու համար:
- Լրատվամիջոցների և շահագրգիռ կողմերի հետ կապեր հաստատելու և պահպանելու փորձ:
- Թվային հաղորդակցման գործիքներով և սոցիալական մեդիահարթակներում աշխատանքների կազմակերպման փորձ:
- Կազմակերպչական և նախագծերի կառավարման հմտություններ և փորձ:
- Ճգնաժամերի կառավարման և ռազմավարական պլանավորման փորձ:
- Զգայուն տեղեկատվության հետ աշխատելու համապատասխան հմտություններ և փորձ։
Հետաքրքրված անձինք իրենց ինքնակենսագրականը կարող են ուղարկել hrm@minfin.am էլ․ հասցեին մինչև ապրիլի15-ը: