15.03.2023
Տեղի է ունեցել աշխատանքային քննարկում ԵՄ գործընկերների հետ
ՀՀ ֆինանսների նախարարությունում կայացել է Հայաստան-ԵՄ Համապարփակ և ընդլայնված գործընկերության համաձայնագրի ներքո Հայաստանի Հանրապետության և Եվրոպական միության միջև Տնտեսական համագործակցության և այլ հարակից ոլորտների ենթակոմիտեի 3-րդ նիստը:
Նիստի ընթացքում Եվրոպական հանձնաժողովի և Եվրոպական միության գործընկերների հետ (զուգահեռ նաև առցանց եղանակով) քննարկվել են մակրոտնտեսական համագործակցությանը, պետական ֆինանսների կառավարմանը, ֆինանսական հատվածի համագործակցությանը, վիճակագրությանը, խարդախության դեմ պայքարին առնչվող հարցեր:
Ներկայացվել են նաև վերոնշյալ ոլորտներում իրականացված աշխատանքները և բարեփոխումները:
Նիստին մասնակցել են ՀՀ ֆինանսների և էկոնոմիկայի նախարարությունների, Հաշվեքննիչ պալատի, Կենտրոնական բանկի, ինչպես նաև Վիճակագրական կոմիտեի ներկայացուցիչները:
