Հայաստանի Հանրապետության ֆինանսների նախարարության նախաձեռնությամբ այսօր՝ հունիսի 25-ին նախարարությունում տեղի է ունեցել վերապատրաստում, որի ընթացքում մասնակիցներին ներկայացվել են էլեկտրոնային աճուրդների համակարգում կատարված ֆունկցիոնալ փոփոխությունները:
Վերապատրաստմանը, որն անցկացրել է Ֆինանսների նախարարության գնումների քաղաքականության վարչության մասնագետ Նարեկ Մուրադյանը, մասնակցել են պետական մարմինների, հիմնադրամների, ընկերությունների համապատասխան մասնագետները:
Նարեկ Մուրադյանն ասում է, որ օրենսդրության համապատասխան փոփոխությամբ պայմանավորված էլեկտրոնային աճուրդների համակարգը վերաթողարկվել է և արդյունքում կատարված ֆունկցիոնալ փոփոխությունները այժմ ներկայացվում են մասնագետներին:
«Վերապատրաստման ընթացքում մասնակիցներին ներկայացվում է, թե ինչպես է իրականացվում էլեկտրոնայի աճուրդ ծրագիրը և ինչ գործողություններ են կատարվում այդ ծրագրով», -նշում է նա: