ՀՀ Ֆինանսների նախարարությունը 2020թ.-ից նախաձեռնել է կառավարության ֆինանսների կառավարման տեղեկատվական համակարգի (ԿՖԿՏՀ) ներդրման գործընթաց՝ նպատակ հետապնդելով ՊՖԿ հիմնական գործընթացների թվայնացման ճանապարհով բարձրացնել հանրային ծառայությունների մատուցման արդյունավետությունը, որակը և թափանցիկությունը, ՊՖԿ համակարգի հաշվետվողականությունը:
ԿՖԿՏՀ ներդրման շրջանակներում 2022թ. գույքագրվել, թվարկվել, ուսումնասիրվել են ԿՖԿՏՀ 6 ՝ Բյուջետավորում, Գանձապետարան, Հանրային հատվածի հաշվապահական հաշվառում, Պետական գնումներ, Պետական պարտք և Ներքին աուդիտ մոդուլների բիզնես գործընթացները: Դրա հիման վրա մշակվել է ԿՖԿՏՀ ամբողջական կոնցեպտը, նրանում ներառված մոդուլների բիզնես գործընթացների, ինչպես նաև միմյանց միջև կապերի և տեղեկատվության փոխանակման նոր ընթացակարգերը:
Այսուհետ՝ ԿՖԿՏՀ կոնցեպտի հիման վրա մշակվել է ԿՖԿՏՀ ներդրման ծրագրային ապահովման ձեռքբերման տեխնիկական առաջադրանքի նախագիծը:
Ֆինանսների նախարարությունը, հավատարիմ մնալով ՊՖԿ համակարգում նախատեսվելիք բարեփոխումների թափանցիկության և հնարավոր շահագրգիռ կողմերի լայն ներգրավվածության ապահովման սկզբունքին, պարբերաբար հրապարակում է ԿՖԿՏՀ ներդրման տարբեր փուլերը բնութագրող փաստաթղթերը՝ խրախուսելով դրանց վերաբերյալ հարցադրումները և քննարկումների մասնակցությունը:
Ներկայումս ֆինանսների նախարարությունը իրականացնում է շուկայի հետազոտություն և վերլուծություն՝ նպատակ ունենալով հասկանալ և հաշվի առնել պոտենցիալ հայտատուների քանակը, նրանց մակարդակը և նրանց գնահատումները ֆինանսների նախարարության կողմից առաջարկված նախագծի մեծության և բարդության մասին:
Մասնավորապես, պետական գնումների մասին ՀՀ օրենսդրության շրջանակներում, առաջիկա մրցույթի կազմակերպման համար թափանցիկ, որակյալ և արդար պայմաններ ապահովելու նպատակով ԿՖԿՏՀ-ի մշակման և ներդրման վերաբերյալ հաղորդակցվում է տեղական և միջազգային խոշոր ՏՏ ընկերությունների հետ՝ պարզելու նրանց հետաքրքրվածության մակարդակը բաց մրցույթին:
ԿՖԿՏՀ-ի շուրջ առաջացած Ձեր հարցերը խնդրում ենք հղել հետևյալ էլ. հասցեին՝ secretariat.gfmis@minfin.am
Կառավարության ֆինանսների կառավարման տեղեկատվական համակարգի (ԿՖԿՏՀ) տեխնիկական առաջադրանք
Թարմացվել է՝ 01.11.2023թ.
